Taavok nu' hinti

Taavok hak hur ‘i careetaqat “window” at yoohi pu’ ‘I puhu laptop u’uyi. Oovi nu’ as ‘i puhu tumalat awniqey kur hintini. Nawus nu’ solaawattuy teevep aw yu’a’ata, piw ‘i tumalat ep “technoweenies” piw aw yu’a’ata hin hak put laptop yawma. ‘I tumalat ep puma puunaat put nuy maqa. Niqw pay kyan’ew hak put u’uyi. Talavay ep naat nu’ as naavahomniniqw nu’ ‘ivokoy aw iyuwsi ‘ömaataniqey ‘iits panso. Nit nu’ sukw ‘I tangawpit nit laptop tangawpi’at ivokoy aw yawma, pumuy qa tumaltiniqat oovi. Nu’ pumuy panso pana, pu’ iyuwsiy ‘ipwat pu’ ‘I sikisvet uuta. Pu’ nu’ “alarm set”-tat ahoy “hotel” aw paki. Pakit nu’ naavahomi. Pu’ nu yukut pu’ hintsaki. Pu’ nu’ ahoy ivokoy awniqw pay susmataqw hak “window”-at yoohi. Pay pante’ hak kur hintingwu. Pay hinwat unangwtingwu. “Pay kur hintingwu”, hak naami kitangwu. Pu’ piw nu’ itumalat “cel phone” at kur hin 911 aw yu’a’atangwu. Cel phone aqw pay pam naat qa aw kwangwayukiwta. Naat 911 qa aw “huur somiwta”. Oovi nawus hiitawat “number” aw piw “call”tangwu. Nu’ itsivuti. “Hotel” ep puma piw “surveillance camera”tuy himuytaq, nu’ pumuy ‘a’awna. Puma yaw put heevani. Ep kya pe’yta hak ivokoy angqkw u’uyi. Kya tuwani. Piw nu’ naat soosok ‘ihimuy pangkw tangaytak nawus nu’ ahoy ivokoy aw yuku. Naat nu’ qa siivat ömaatat qa pas siivat himuyta naat nu’ nawus put yuku. Kyaanavot soosok put aw yuku. Oovi taavok nu’ pay suus ‘itumalat awi. Pay “incident report”-sa nu’ aw peenani. Pu’ nu’ yep’e. ‘Iits nu’ puwva oovi ‘iits nu’ taatayi. Yep Phoenix ep tsitsrot paas kyaastangwu. ‘Iits puma tawmangwu suupan, “taatayi!”, töötöqa. Oovi hak kur Phoenix awnen uuhimuy aw paas tanatyawtangwu. Yep pas ‘u’uyingwhooyam kyaasta I-17 anga. ‘I pas yawi! Pay yaasa!