Interview

Löös tsaatsayom qa tutuqaywisngwut ep nu' "Touchstone" aw tumalheva. Ep nu' pumuy aw yu'a'ayku; "interview"-ta. Mooti itam nöqkwivit nöst pu' itam pansoya.

Ep Polimana Qöyawaysit "Thomas" sivakit aw yuku pu' puma put aw hintsatskyaqw nu' "Touchstone" wuutit aw yu'a'ayku. 'Ima pas lomamanat oovi qa hin naawakyangw pay ep kwangwa qatu.

Ep "Duncan" mootiima, pu' put ankw Thomas, pu' Oliver, pu' Lady, pu' gold Diesel, pu' Bill, pu' Toby pu' Diesel pumuy amungkw.

Tsangaw itam lomatimuyta! Touchstone yaw Thurstit ep nuy a'awnani sen nu' tumalat himuy'yva.

Mihi Tucson epe'

Mihiqw ep itam Tucson Mall aw nösto.

Yep Puddin Pie pu' Chubba "reditota".

Nost pu' itam "Lisa Frank" huuyankit awya. Lisa Frank as pay tutuvenit ang hiita huyangwu niikyangw puma Tucson ep "Headquarters"-niyungwa. Oovi puma pay suukwsa huyankit himuy.yungwa.

Qöyawaysi qa hiita pas tuwa. Pam pay Melodiet engemsa hiita tuwa. Pam put engem kuyapit tuwa.

Polimana sukw "notebook" tuwa. Pam hiihiita yep aw taynuma. Pi'ep hin töqtingwu.

Itam ahoy pitut nu' niqw Qöyawaysi "Thomas The Tank Engine" aw tayta.

Tucson Suus tsaatsayom qa tutuqaywisngwuniqw

Itam Munqapit ankqw Tucson akwya. Pep mamant tuutuyti. Polimana nanayö', pu' Qöyawaysi a'ni mukiiti. Nawus Polimana "hallway" ep puwva, pu nawus Qöyawaysi ngahut kwu'u. Puma löös tsaatsayom qa' tutuqaywisngwuniqw ep panti.

Yep Qöyawaysi nöqkwivit tuumoyta. Pam pas paala'at kwangwayta.

Polimana "puzzle" yuyku. Tucson ep kwangwataala.

Suus tsaatsayom tutuqaywisngwut ep puma maanguyi. Puma qa peekeniqat oovi qavongvaqw itam University of Arizona't aw hiisavo.

Yep nu' nit Polimana pu' Qöyawaysi.

Yep lomamamant! Ima songqa pas pavan hintini puma wuuyoqtiqw.

Powamuya

'Iits itam tayta Powamuyat aw tokilti. Itam itaa tsaatsakmuy Kyaromaysit ki'at aw tsamva. Pep itam katsinmuy nuutayyungwa. Naat hakim pupuwva itam aw pituqw. Pu' soosoyam qaqtuptu.

Yep Poovoli pu' Missy. Missy pi AIGC ep tumala'yta Albuquerquet ep'e. Pam Keolat yu'at. Put koongya'at nu' suutoki hin pam maatsiwa.

Yep Stephanie, LaTishat ti'at. Pam pu paqwt yasangwuy aw pitu. Pam nit Polimana katsinmuy nuutayta, juice hiikiko.

Yep Brenda-Mööwi nit Brandonhoya. Mööwi itupkoy Paatuwaqatsiy nööma'at. Naat iipa qa pas taala' itam yep yeese'.

Pu' katsinam pitu. Itaatimuy hiihiita huyta. Yep Stephanit yu'at LaTisha. Katsinam Stephanit sukw Palhiqwmanat makiwa. LaTisha Albuquerquit ep ki'yta.

Yep Polimana nit Hanwisa. Katsinam Polimana Honanit maqa, pu' Qöyawaysi sukw Kwasay'ytaqat maqa. Yep ipava Hanwisa haaru'am ank tutkilawu.

Paas aw somiwta.

Yep Missy Keolat awta'at akqw hintsaki.

Pu' tsaatsayom soosoyam katsinam aw kuyvato haarut piw aw homna. Pu' katsinam itaa haarut wuuhaktota.

Tuuvikimi niqw Munqapi

Susmooti hak Munqapit aw pitutoqw yep piw naat "McDonalds sign" himu'yta. Niikyangw put atpip "Hopiland" peyta. Qa lomasoniwa. Hopiit pas hiita engem paas qatsiy aqw unganwa'yta. McDonalds pas siivat sa oovi qatu.

Nu' mooti itimuy warikna. Hiisayhoya manawya Qöyawaysi pas yuy engem sölmoki.

Oovi nu' imuy "Tuba City Primary School playground" aw yawma. Pep puma hiisavo hohonaqlawu. Pan puma hiisavo yan unganwti.

Qöyawaysi sirokinpit aqw wungwuvi. Niqw nu' pep ooveq as kwanawkyang imuy "camerat" aqw mumu'lawkyang pam Qöyawaysi nuy sirokinpit akqw ongo. Sen na'atsqökna nuy.

Troublesome Trucks

Haqam "Utah" ep itam huuyankit aw pitu. Yep it huuyankit ep ima oowat huuya. Yep i' mamant hiisavo yep o'owat aw pootinuma.

Polimana nit Qöyawaysi sukw "ore cart" aklavo wunuwta. Qöyawaysi imuy "Troublesome Trucks" tungwa. "TV"ep "Thomas The Tank Engine". Ep ima "Troublesome Trucks" Thomas pu' pu' kwatsmuy aw höövitangwu.

Pangqw "glass" tangawta

Yep yaw nu' Qöyawaysit peenani oovi nu' put pep kwanawkyang peena.

Pu' itam yangkw yuumosa Munqapit aw wari! Polimana nit Qöyawaysi puwkyang itam Page aw pitu.

Munqapit awya

Nu' nit Polimana nit Qöyawaysi "Tucson" awya. Nu' panso tumalhepto. Oovi nu' ep "interview"-ta. Niikyang mooti itam Munqapit powamuyat awya. "Seattle"-t ankqw itaa mooti "Oregon" aw pitut, pu' "Boise, Idaho" ep itam puwva. Pu' panq itam "Salt Lake City"-t aw pitu. Pep itam piw puwt pu' pangk yuumosa Munqapit awi.

"Seattle" hoopaqwat ep "Snoqualmie Pass". Ep a'ni nuva'iwta.
Yep itam paahut soosok ang patusung'iwtaqat tutwa. Is iyo!

Yep Polimana "snow angel" Itaho ep yuku. Qöyawaysi qa nakwa antiniqey.

Yep tutuvenit puma aw tayta.

Naama ima hohonaklawu.

Tryouts Polimanat engem

Polimana piw "baseball"-lawni. Pam oovi tsivot taalat ep tootim tutqaywisngwut ep "try-out"-ta. Yep ima "Arena Sports" hisat "hangar bays" ang hiihiita himu'yta. Yep "Soccer Fields", "Beach Volleyball", piw ep tsatsayom tsotsolawngwuniqw puma kiikihut "balloons" aw yukiwtangwuniqw puma.

Puma mooti tatsit ngungulawu, pu' tuuvangwu pu' puma tatsit wuvaatawisa.

Polimana pay hongviniqw pay pam lomahinti.

Naap piw pam aw wuuwa yaw sunasaveqw pam tootimuy an tuwi'yta. Oovi yaw pam sunasaveqwni yaw'i. Songqa pam piw naala maanani "team" ankw.

Pu' pumuy soosokmuy ankw "draft" -tani, hisatpi. Polimana nuy se'elhak tuuvingta hakim pam amum tatatslawni. Naat puma qa panti.

Suus tsaatsayom qa tutuqaywisngwut ep

Suus tsaatsayom qa tutuqaywisngwut ep itam "Deception Pass" awya. Melodie as ep niikyang pam qa "pass" aw yori. Oovi itam piw aw poota. Kya itam qa piw ahoyyani itam"Arizona"-t aw hoytaqw oovi nu' put panso wiiki. Ep pas lomahinta. Ep itam itaa nitkyay noosa pu' itam waynumto. Melodie qototutuya oovi pam pay sikisvet ep huruuti. Yep oovi mamant ang wartinuma.


Polimana owat atsve' kwivi wunuwta, pu' Qöyawaysi inumi warikiwta! Yang tutswa paas mowa'iwta. Ep Polimana wunuwtaq pang hihin muuna.


Muuyaw yep kwangwa wuuvi. Mihiqw aw pituqw pas "movie"-t an tsokit ang suupan hoyta.


Maanat yep sukw kiihut tuwa. Yep hiisavo itam huruuti. Himu paahut anqw tutswat aw yeeva. Löölöqangwt an soniwa niikyangw pay himu "seaweed" an piw soniwa.

Yep itaa "Picnic Table". Melodie Qöyawaysit a'awna yaw itam "picnic"-tawisni. Pam tsuyti. Yep itam "sandwiches" kwangwa nöösa.

Yep nu' nit Polimana pu' Qöyawaysi.

Bats Tubba-t engem

Qöyawaysi inumi ayata yaw nu' imuy "bats" tuy "post" -tani. Ima "Seattle Kid's Museum" ep ki'tangwu. Ep atsa himu niqw ima ep oovehaq piitakiwta. Susmataq "glue".


Itam sukw Polimanat kwaatsi'at amum panso. Pam Seri Qöyawaysi't aklavo qatuwta.


Yep Qöyawaysi Poosiyungkamuy yongasonay ang tsokiwta. Naat yaw it "museum" aw yuyku niqw yaw "Japan" ep wuko "earthquake". Naat puma Japan sinom it yongasonat "Pacific Science Museum" aw tavi.
Whale imuy sowa. Pamwa mana Seri, sakwahovinapnat ang pakiwtaqa, pu' naat "Birthday" himuy'yta. Pam pu' pept yaasangwnat aw pitu. Pam yangkw sino pu' kwa'at Philipines angkw. Yep wuuhaqw sinom pan wung'iwma. Phillipines-tuy nömuytangwu.

California-t ep kiitangwu

Suupan pu' naat hisat itam pay as payomniiqam. Nu' nit Polimana nit Melodie. Itam as "California't" ep ki'yta.


Itam piw ephaqam haaqey waynumngwu. Yep itam "Pacific Coast Highway" ang "Monterrey" aqw hoyta. Niqw itam it loma "beach" tutwa oovi huruuti.

Itam huruutit pu' Polimanat warikna. Pam pas ponotuutuyngwu itam qa sikisvet angkw horoknangwu oovi itam huruuti. Yep pam nit Melodie Paatuwaqatsit ang wawari.

Yep Polimana pas tsoni'yta!

Pam piw unihoyningwu. Hongviningwu piw. Naat pam panta.