Wuko-Mushroom

Atkyami itam it wuko"mushroom" tutwa. "Pancake" an pam soniwa.

Itam "Wallace Falls" aw waynumto

Itam "Wallace Falls State Park" aw waynumto. Pep itam mooti awya itam suus yep oki. Ep Qoyawaysi naat as tiposhoya, pu' Polimana naat as hiisayhoya. Ep itamumi a'ni yokva. Oovi itam piw pansoya. Ep lomahinta. Qa hin itamumi yokva. Pas oomiqw itam wuuvi. Hisatniqw itam "falls" aw pitu. Lomahinta tuupelat atkyaq pam muumuna. Suukyawa itaa pahankwatsi itamum. Pam Kate pan maatsiwa, paalangwput hoomi'yta. Qoyawaysi hongviniqw pam pay peep naap soosok aw wuuvi.

Hisat itam Iraqisinom an naaqöya

Iraq ep pas pavan sinom naaqöyannuma. Ep ima, piw kya itam, "United States" solawat aqw tuwalan'ynuma. Hiita pi itam pepeq tuwalanta. Kya as itam pepehaq pumuy Iraqisinom engem vötsyukuyaniqey naawakna. Niikyangw ima pahaanam put pas qa naawakna aw maamatsniqey. Puma pep pay naap wuwniy himuytaqw son puma Wasinton an mongyukuyani. Pep wuuhaq Muslim sinom kiiyungqw, pan puma tumalwisa. Pan puma teevep tumalwisa, naami yortinumngwu, naami yu'a'alawngwu, pam pumuy qatsi'am! Tis pi 'itam pan piw as hisat yesqwe pan mima kastilho'yam itamumi pitu. Pan itam piw Awatovit ep naaqöya. Pep itam Hopiit imuy an wuuwa. Son itam Kastilvötskwanit aqw lomahintini. Son pi itam imuy qa hiita kyaptsiyunqam an ki'yyungwni. Ep itam naatuhota. Ep itam put hintaqat qatsit qötoti. Ep itam naaqöya. Pangqw itam piw songqa itaavötskwaniy itamuupa huur somna. Paapi itam Hopivötskwanit pas pavan a'ni hiikyatoyna. Pan puma piw Iraqisinom itamun naaqöyannuma pu'. Niikyang qa itamun pep puma "oil" himuyyungwa. Pep puma put himu'yta nit piw hakim "oil" himuyyunqw puma "pipeline, Turkey"-t angqw yuumosa "Kuwait seaport" aw yukuyaniqat naanawakna. Wasintonsinom pumuy engem put aw tumala'yyungwa. Put engem sa itam pepehaq solawat taviiyungwa. Pam pi imuy "politicians" engem, pu' piw pumuy kwaatsi'amuy engem a'ni sivatumala. Pay oovi puma sinom pep yesqw pay pu' okiwhintsatsnaya. Piw itaa okiwsinom, puma hakim nawus solawat aw tumalheevaq, puma pi ep solawa. Puma pi ep it aw pas qatsit aqw aw tumala'yyungwa. Oovi nu' yan naawakna. Itaa Hopisinom as ahoy pituni. Soosok sinmuy as ahoy nimani. Qahinkyangw puma as ahoy pituni. Piw pumuy Iraqi sinom engem pan as 'i soosok tiitso'ni. Pay imuy siva'ömalhoyam it yantsatsna.

Qoyawaysi Unitatherium aw pootaniqey naawakna

Qoyawaysi yaw Uintatherium aw pootani. Pam pumuy tsoniitangwu "dinosaurs". Itam put engem hiisay "plastic dinosaurs" tu'iya. Pumuy amum pam naavahomngwu. Piw pam pumuy aw pootangwu Pacific Science Centert ep.

Iyoho'niqw pay piw baseball season

Iyoho'niqw pay piw "baseball season" aw pitu. Oovi Polimana "coach" ni amum nanatuwna.

Pu' pas pam nalmana "team" amum. Nu' songqa put amum naahongvitani. Nu' imuy tootim aw yortaqw puma pu' pas hongviti. Polimana qa pas imuy tootim amun hongvi. Pay suwip pam as tuuvangwu niikyangw qa pas a'ni pam tuvangwu.

Yep 'iyoho niikyangw naat puma nawus 'iipa hintsatskya. Pay qa yaavaq itaakiy anqkw paahu. Put aklavo puma tatslawngwu.

Yokvangwu piw yep. Puma naat nanatuwnaqw pay itamumi tsölölota. Iyohoo' piw niqw mihiqw itamumi nuvati.

Pacific Oysters

Ed piw naap "oyster bed" himu'yta. Ima clams aw hihin wuuyoqa. 'Imuy qööhit 'atsve yukungwu. Clams an ima hötsiitingwu. Pu' hak hötat "butter" nit ööngat pu' "tabasco sauce" ang oyangwu. Melodie imuy "Pacific Oysters" qa kwangway'yta. Inumi 'is aliningwu.

Kwalaknangwu

Yep Qoyawaysi "meats" ni tuumoyta. Pam clams qa kwangwa'yta. Barbara 'itamungem "hamburgers" piw yuku. Pam piw clams kwangwa yukungwu.


Polimana piw qa clams sowangwu. Niikyangw Barbara piw wuko hamburgers put engem yuku.


Clams engem hak siiwit pu' tarragon nit cooking wine pu' oongat kuuyit ankw kwalaknagwu.


Pu' pam kuuyi'am kwalat hak clams aw panangwu. Pay qa wuuyavot puma clams soosoy hotsiitingwu.


Suus puma hotsi'tit puma pay paas kwasiwtangwu. Pu' hak pumuy "butter"-t aw morkyangw tumoytangwu. 'Is ali! Ina as yepniqw pam wuuhak imuy sowa. Pam qa yepniqw nu' nawus wukosowa. Hisatniqw nu' 'i hamburgert uuna, nawus nu' put piw sowa. 'Ikwatsi itamumi pangqawu Alaska sinom yaw yan uunangwu, "when the tides out the table's set". Hiihiita noosiwqat "tidal flats" ep wung'iwmangwu. Naat nu' imuysino'am votskwani' qa pas tuwiy'yta. Niikyangw yaw imuy tuvatspu'am ahoy paatuwaqatsit aw oyangwu. Pan ima ahoy itamumi pitungwu.

Soosoyam clamtawisa

Yep itaa "bayliner". Itam it aqkw clamtawisa. Nu' nit Qoyawaysi nit Melodie it aqwya. 'Ikwatsi 'it pu' sukw "canoe" piw himuy'yta. 'Imuy aqkw 'it hiisayhoya "bay" aqkw waynum.ngwu.

Pu' itam ankw haawi, clamtawisa itam. Lomataala itam pantsatska.


Nu' it piw amum hiisavo naayawi. 'I pas pavan wuuyokwa "starfish", "Spongebob" kwaatsi'at an soniwa.

Yep pas "low tide" maatsitangwu. 'I muunat aw hotsitingwu. Yangqw piw "salmon" paakiw ahoy nimangwu. 'I muuna 'Issei pan tuwiitangwu. Pam povosiwqamuy aw susmooti yep qatuuqam. Povosiwqamuy tungwa'am ang "ichi" suukya', pu' lööyom "ni", pu' "san, shi, go, roku, shichi, hachi, ku, ju.

Polimana piw "Geoduck" tuwa. Pam as hangwat niikyangw qa ngu'a. Puma kukuytaqa a'ni hakiy ankw watqangwu.

Itam tsuyti "clams" hepto. 'Ikwatsi Ed itamuy "boots" ang yuwsina pu' itam "bay" aqw "gravel bar" aw pumuy mawto.


Pay hak mooti owat maspat pu' hiisay hangwat pay puma qa pas a'ni aamiwtangwu.

Pu' itam pumuy tuuvahomnat pu' pumuy ahoy Ed ki'at aw yawma.

Polimanat kuk'at mowati oovi pam nawus tootsiy oya.

Clamming!

Yep Melodie nit Qöyawaysi. Itam 'i kwatsiy ki'at aw clams-tuy hangwanto. Pan hak clams mawngwu. "Tide zone" ang puma kiy'yungwa oovi hak "low tide" pumuy heevangwu.

Lomamukiniqw Melodie shortpants ang pakiwma.

Yep puma suukyawa tuwa.

Qöyawaysi puhu shovel aqw hangwanma.

Barbara

Yep "Bainbridge Island" Barbara ang wayma. Pam tutskwave' pam ang wayma as paahut atpip niikyangw "low tide" ep pam ankqw maatsiiwtangwu. Put aakwangyaq Bremerton. Ep nu' as Navy-t ep tumalay'ytangwu.

Yep ikwatsiy nööma'at Barbara. Yep pam ahoy kiy aw hoyta. Pam itamum "clams"-tuy mawto. Koongya'at tuutuya oovi qa itamum clams hangwanma.

Pooko'at "Montomery" pan maatsiwa. Pam wuyoovoko. Pam "arthritis" akqw tuutuya pu' puukya'at qa qalaptungwu piw. Okiw sakwiiyiwma. Polimana i' kwatsiy Ed ki'at awnen pam pooko ha'laytingwu. Pam piw itamum clams hangwanto.



Barbara pay pu' qa tumala'yta. Pam nit Ed puma pu' retired-toti oovi pay pu' tsaatsakmuy amum sa pas hintsakngwu. Pumuy ti'am Washington ep kiiyungwa pu Floridat ep piw.


Pu' ep tuupela pam "Mount Olympus" pan pahaanam put tungwaya. Hin pi ima yangkw sinom put tuwiy'yta.

Itam Ed ki'at ep Clams noonova!

Tuutuyti itam niikyangw itam soosoyam yep ahoy naamati

Itam "Arizona"-t angq ahoy pitut nu' nit Qöyawaysi tuutuyti. Naat itam qa soosoy qalaptu. Itam qa pas öhöhöta. Itaa naqvuy sa pas hinta, Qöyawaysit naqvu'at angqkw okiw muumuna. Niikyangw pay naat pam haalayi.

Melodie piw tuutuyti. Pam qa itamum Munqamiq Powamuyat aw tiimaytoniqw pam yep okiw tuutuyti. Pam naalös qa tumal'ytaq oovi pay yep itaakiy ep okiw wawa'eklawu.

Pay niikyangw itam soosoyam ahoy naamati! Itaa aapat angqkw itam pu' kwangwayongitingwu itam naanami mavokkoykyangw puwve'.