Carkeek park

Itaa kiy anqw kwiniwi ep suuk muuna. Pam muuna Paatuwaqatsit aqw wehekngwu. Pep ima paakiwt ahoy nimangwu. Paakiwt suuput muunat aw pitut, ep pumuy yu'am pumuy tiitaqw, ep puma wiiyungqam nööhut 'oyat pu' paakiwtaataqwt aw nuwukiy piw angw oyangwu. Pan puma tiiqatsnöhut naama yukungwu. Pu' puma put tumalat aw yukut puma pas pavan maanguyngwu; oovi mokngwu. Yep nu' nit Qöyawaysi pumuy aw yortinuma. Pamwa Qöyawaysit aklavo "seagulls" put poosiy'at pay soswa. Ima "salmon" yaw "keystone species" yaw'i. Hiihita imuy soswangwu. Piw tsokit angw yaw "DNA" susmataqw ang peyta.

Nu' nit Polimana pu' Qöyawaysi

Sukw taaqa itamuy mu'a. Yep itam kwanawta (Qöyawaysi pay wunuwta).

Pas pavan "cute"!

Yan yaw nu' "pictur"-tani, pay yaw naala'! Lomahinti!

Qöyawaysi Deception Pass ep lööq owat tuwa

Qöyawaysi "Deception Pass" ep lööq owat tuwa. Yep pam inumi matakna.

Polimana Deception Pass ep hiita aw tayta

Yep Polimana sonqa hiita aw wuuwanta, hiita aw taymaqw. Polimana hiita tuwitangwu piw qa tsawinyuwkyangw hintsakngwu. Oovi itam yan waynumngwu. Pan itam naahongvilawngwu.

Deception Pass

Leetoq nu' nit'i mantuy "Deception Pass" awya. Pep pas paahut ooveqw, tuupelat ang lööq "bridge" tsokiwta. Itam put ang waymaq pas 'is uru! Nu' oovehaqwningwunen suuwiwngwu. Oovi nu' naami kitalawu, "pay 'bridge' awsa taytangwu!". Pan nu' oovi sunasave "island" aw pitu. Pay 'i manat qa pas nuy an tsawin'iwkyang aq hoytima. Ep itam pootinuma hiisavo. Pas ep lomahinta! Paatuwaqatsit ang piw "kayakers". A'ni hongvi pam paahuningwu, piw a'ni suusungwa sonqa oovi nu' 'itimuy aw paas maqaptsiy'yta! Niikyangw puma piw hoohongvit. Kapirkuktinuma puma oovi qa muntinuma. Pay puma kwangwa'ewya.

'Is Ohi!

'I "Wildcats" "Sun Devils"-tuy qa angwuta! Pumuy itamuy 20-23 pö'a. Itam as kwangwahinmaq pay yukiwmaq puma "field goal" kuktaq pay pan yuku. Pay kyapi haak pantani...

Stillaguamish River

Taavok nu' "Stillaguamish River"-t aw pootama. Hakim ep paakiwmaqnumqe' oovi nu' i' paakiwmaqput ipwat piw tuwat. Nu' tömöt ep i' wukopaakiwmaqput qöhi. Pamwa as ima "salmon"-tuy engemniiqa nu' put pu' qa himu'yta. Oovi nu' nawus hiisayhoyat akqw "salmon"-tuy maqnuma. Pay niikyangw kwangwa'ew. Kwangwa'iyohoo' piw oovi nawus pitanaktsit yuwsima.

Se'el nu' nit Qöyawaysi waynumto

Taavok nu' okiw qa pas Qöyawaysit aw maqaptsi'yta. Nu' as hiita aw tumala'ytaq qa amum pas hintsaki. Oovi yu'at pituqw pam aw paklawu. "Daddy noovalawu" pam Melodie-t aw kita. Okiw paysok put sa aw kita pu' pakmumuya. Teevep okiw yu'at aw paas huurti. Oovi nu' aw wuuwa, pam inumi qa haalayi nu' teevep hiita aw hintsaqw. Oovi se'el itam naama waynumto. Susmooti itam sukw "Park" awya, pu' itam piw "McDonalds aw nösto, pu' piw itam sukw "park" aw paawiktuy nopnato. Pu' itam qööqa'at tutuqaykimit awya. Qööqa'at "The Hobbit" aw tuwanlawq itam aw hisavo tiimayi. Ep Qöyawaysi maang.nguyti oovi itam naama nima. Yep itam peep itaa sikisvet ahoy aw pitutoqw nu' put peena. Pu' yu'at piw ahoy pituqw pay ahoy ha'layti. Qa piw naat paklawu. Pay yuk paasa'.

Cat's piw naat Scum Devils tuy pö'ayani

Uma "ASU"-hoyam qa paklawni!

Nu' Wuko'uyis ang tutuqayyuku

Nu' Wuko'uyis ang tutuqayyuku. Nu' as "University of Washington School of Social Work" ep "Master's degree" aw tumala'yta. Pay hiita aw paas maqaptsiyte' pay hak aw kwangwahinmangwu. Oovi nu' su' aw it yuku. Yep nu' nit i' "wuuti" Melodie. Hak taaqa itamuy tutuqayhooyam imuy "artwork"-at makiwngwu "Raven's feast" ep'e. Lomakuwantangwu i'i'. Oovi soosoyam tutuqayyukut awningwu nit sukw kwusivangwu. Ep itamukle' hakiyat "canoe". Ima as yang pumuy awk yaktangwu.

Uma soosoyam pew nöswisni!

Huvam pew nösto! Itam sukw koyongot mu'a! Oovi uma pew nöswisni! Nu' piw "Pecan Pie" piw tuwi'yta. Uma nöst, songqa uma wukovonoytani

Polimana

Polimana wuuyoqa suupan. Naat as hiisayhoyaningwu itam mooti yuk pitut. Pu' sumataq pam wuptima. Tutuqaykit ep pam yaw sukw "elf" "Lord of the Rings amum hohonaqlawni. Tutuqaykit ep itamumi yu'a'atawisa oovi qa soosok taalat ang itaa tootim tutuqaywisa. Oovi i' "afterschool program".

Itam "pie" yuku

Itam soosoyam it "pie" yuku. Melodie nit Polimana mansanat tutkita pu' Qöyawaysi kwangwat ömaatat pu' soosok qörikna. Nu' "crust" at yuku. Itam songqa qaavo it soswani. Is ali pie!

Qöyawaysi Bellevue aw kiipo

Qöyawaysi Bellevuet aw kiipo. Wasinton ep yaw momwit hiita "Reverse Robin Hood" pahanvötskwanit aw tumala'yta. Oovi Qöyawaysi ahoy as rohomtini. Yep pam oovi "NO REVERSE ROBIN HOOD" tsa'lawu.

Oomaw muuyaw tupki'yta

Yep sutsep yooyoki oovi oomaw yan muuyawuy tupki'ytangwu.

Melodie

Yep Melodie. Melodie pas a'ni tumaltuwi'yta. Itam put engem Yakimat awya. Pep pam" Yakima Valley Community College" tootim aw yu'a'ayku. Himusinom ep tutuqaqam aw yu'a'ayku, hin itaa soosoyam ephaqam sunhintangwu pahansinom yukw pituuqe'.

Susmooti Seattle aw pitu

Itaa susmooti Seattlet aw pitut Qöyawaysi as hiisayhoya manawyaningwu. Yep itaa "Locks" ep yortinuma. Ep "boats" tuy oomiqw tsöpaatangwu Paatuwaqtsit angqw. Pu' yep paahut aw pumuy oyangwu. Yep "locks", "Lake Union" aw hötsi, pu' pangkw yuumosa "Lake Washington" aw hoytangwu. Yanqw "salmon"-paa'iwqam piw muumun'am akqw nimangwu. Puma aw pitut puma piw ep timuyvangwu.

Itaa "Family Feast"

Itam qa "Thanksgiving" piw qa keshmesh sinom. Oovi itam itaa kwatsmuy itaa kiy aw tsovalat pu' nösngwu. Nu' as hinwat Hopihiita, Hopivötskwani'at ang as hintini. Niikyang itam naat Seattlet ep kiiyungqw kur hin Soyalangw pu' Powamuyat aw tiimaytongwu. Oovi itam pay yep "family feast" himu'yva. Yep pahan wuuti Ed nööma'at. Pam Barbara pan maatsiwa, pu' put aklavo Kate paalangput höömi'yta.

Ed

Yep i'kwatsi Ed. Ed pi "Bainbridge Island" ep ki'yta. Sukwamishsinot ki'am atsve' kya put kihu'at yuku. Pi'ep pam pumuy hisat hiita tuwangwu. Yep puma salmon paa'iwqam hepto.

Waysi as sutsep Polimanat an tuwitani as...

Waysi as sutsep Polimanat an tuwitaniqat naawakna. Teevep pam aw taytangwu.

A'ni "cheeks" himu'yta!

Hisat Qöyawaysi naat as tiposyoha pam a'ni "cheekies" himu'yta! Wuuhaq "cutes" piw himu'yta! Niiykangw as qa höömitangwu.

Tatats.tiposhoya

Yep Qöyawaysi. Naat yep qa waynuma, niikyangw tatsit suwip tuuvangwu. Qööqa'at as tatatslangwuniqw Qöyawaysi as put aw taytangwu oovi songqa su' tuwi'yva.

Top Pot Donut!

Qöyawaysi haqaminen tsuyakngwu! Yep Seattle ep hihin pu' iyohoti. Susmataq itaa tömölangw aqw hoyta.

Sen nu' it yantaqat "trailer"-t tu'ini?

Ita "Top Pot Donut"-kit aw hoytaq nu' it tuwa. I'vokoy aw suupan kwangwapiitakiwta.

Polimana "donut" sowanta

Qöyawaysi "donut"ni qa sowa oovi Polimana tutuqayyukut put sowa.

Nu' donut sowa piw

Nu' piw sukwat sowa. Sukw "glazed donut". Pay qa pas himu. Pay huyankit "donut" an kwangwa.

Qa "like it"

Nu' nit Qöyawaysi "Top Pot donut" huyankit aw poota. Ep Waysi suk "sprinkle donut" kyatku. Kya qa kwangwaytaq oovi qa sowa. Pay pam suus sa kyatku.

Chess

Polimana chess tuwi'yta.

Nu hintsaki

Nu' naat tumalhepnuma. Niikyangw nu' pay qa pas a'ni tumalhepnuma. Suk ita' kwatsi hakiy aa'awna nu' tumalhepnuma. Oovi nu' 18th ep Wasinton "state dshs" sinom aw yu'a'aykuni. Kya nuy naawakna. Yep nu' nit Qöyawaysi. I'kwatsi "Bainbridge Island" ep kihut himu'yta. Paahut aqlavo kihu oovi pam piw lööq "boats" himu'yta. Qöyawaysi as paahut ankw tsawinyuwtangwu niikyang sumataqw qööqa'at aw tunglayta. Qöyawaysit qööqa'at i'kwatsi amum itamuy aape' paahut anga.

Glacier Point

Yep "Glacier Point" Yosemitit ep'e. Naat iyohoniqw itam ep puwva. Naat as itam puwvaqw, ephaqam owa tuupelat anqw yoohanma. Pas a'ni umukinta. Oovi tuusiy'kyangw piw tuusung'iwkyangw itam puuwi.

Polimana susmooti Yosemitit awi

2001 ep Polimana susmooti Yosemitit awi. Naat nuva tutskwat ang ita Yosemitit aw pitu. Niikyang ep teevep lomahintangwu naamahin iyoho'. Polimana tsuya itam ep puwvaq.

Polimana

Sukw iti Polimana pan maatsiwa. Polimana pas aqawsit katsi'ta. Pam hiita hintsakw pas a'ni aw tumala'ytangwu. Oovi itam, put yu'at nit nu', nawus aw paas maqaptsi'tangwu. Ita' qa pas aw pas taytangwu, niikyang pam hintiniqey aw hinwat paas tutaptangwu. Oovi tsayhoyaniqw pam as hintiniqat itamumi pan hinqawngwuniqw pam iponen wariqniqey ita put aw tutaptangwu. Ep pam qa hin wunwantat, su'iipo yamaq, pu' wariqngwu. Piw kya pam pan unangwaytat ita sukw tutuvenit aw tavit pay pam put piw aw kwangwahingmangwu. Sutsep pam piw tsotsolawngwu, tawlawngwu, pu' hiita leelengwu. 2002 ep pam as "karate"-lawngwu, piw "Sunshine Generation" amum tiivangwu, pu' piw pam sukw tutuvenit naap peena, piw kuwanta. Pam tutuveni, "The Queen", susmooti "kindergarden" tutuqayhoymuy "district" ang pö'a. Pam lomamanawya Polimana. I manawya nit yu'at nuy tutuwna, hin hak sen lolmat qatsitaniqey, naanami paas unangwtapngwu. Pan nu' susmooti, hin taaqa kya öqalat tsatsakmuy aw tunatyawniqey, nu' imuy angkw tuwiiva.

Tukswit Peeni'at

Suupan itaa qatsi ephaqam a'ni hongvitningwu! Yan suupan nu' i' qatsit ahoy aw pitu nu' susmoti ti'vaqw. Yan pay nu' nööngam nit piw itamungem itaa qatsit aw tumalayva. Kwangwatumalay'va! Sen nu' yan aw wuuwa, "Nu' ti'vaqw, nu qatsi'va". Pan nu' piw tukwsiw'ma. Pan nu' it aw wuuwanmaqw, it peena.