Tatatsmamant “College Softball World Series” awya!

'Ip-pa-ha-ha-ha 'i'ah!

University of Arizona Softball Team College Softball World Series awya!

Saturtit 'ep ima University of Arizona Softball nit Louisiana State University naanami nanaveyya. Niqw lööpwat ima mamant tatsit tuuvangwuqam 'a'niyya. Oovi susmootiwat LSU itamuy pö'a.

Yep itam kwangwaqatuwta, susmootiiwat UofA LSU nanaveyit.

Yep 'i maana, Emily Turner, itamuy susmootiwat nanaveyit pö'a 4-3. It atsve' itam nawus "Game 3" nanavey'ya.

Oovi itaa mamant naasungnat pu' piw.

Pas mihiqw ep mamant yukuya. Niikyangw kwangwa'ewya. Itam "win"tota!

Pu' itaa "team" "College Softball World Series" aw pas pavan nanaveyyani! Bear Down Arizona!

Tatatsmamant Tucson ep’e

Nu’ ‘imuy aw tiimayto. ‘Ima “University of Arizona Wildcat Softball Team”. Pas ‘ima ‘a’nihoyam mamant.

Yep Autumn Champion, pu' Caitlin Lowe pu' Adrienne Acton. Ima "outfield" 'ep tatatsngwu piw ima soosoyam pi' ep tatsit wuvaatangwu.

Niqw nu’ yep “Tucson” aw pituuqe’ qa hak pas nu’ yep tuwimuyta oovi hintini as nu’ wuuwa. Pay nu’ as imuy aw taytaniqat hisat as pan naawakna. Ima pas suttsep a’niya. Oovi nu’ imuy aw tiimayto. ‘A’ni ima'a, ‘a’ni halayvit tatsit tuuvangwu.

Piw qa hisat pas ima unahintsakngwu. Oovi qa hakim pas imuy pö’ayangwu. Yep Taryn Mowatt tatsit Auburn aw pitchlawu.

‘Imuy “coach”-‘am Mike Candrea. Pam pas ‘it hohonaqvit tuwiy’yta. Löös yaasangnat ep pam US Olympic Softball Team tutuwna. Niqw puma Olympics ep soosokmuy haahaqe’kiy’yungqam ‘an tatatsngwuqam pö’a. Put atsve’ ‘ima yanhaqam tuwiy’yva. Niqw piw nu’ wuuwa, sen Polimana nit Qöyawaysi imuy amum hisat tatatslawni! Kya hisat pantani!

Alicia Hollowell ASU-t aw pitch-ta. UofA ASU pö’aya 10-0!

Diane Andy-t amum naangu'a

Yep Tony. Tony Donna-t ti'at. Nu’ Polimana amum Washington DC-t aw pootamanit it yu'at nit paava'am aw poota. Pep itam puuwit pu’ pansoya.

Yep nu' nit 'ikwatsi John. Put tupko'at Diane Andi-t aw naangu'a.

Yep Drs Welty. Ima as piw Tuba City HIS ep tumalay’ytangwu. ‘Ima songqa Sövönikwa’at pahantuuhiqwt.

Yep ‘iti Ryan Kompare. Pas ‘utuhuuniqw pam qa pas haa’layi. Nu’ put hiita “rattlesnake eggs” aw tavi. Pam pay hohonaqhimuniqw put oovi pam tsuya. Pay ‘aapi pam qa unahintsaki. Haahakimuy pam put aw hohonaqlawu. Haahakimuy pam tsatsawinta.

Yep Donna nit tim’at pu’ koonga’at Mark. Ima pas yaavahaq yukw pitu. Ima pu’ Alexandria, Virginiat ep kiy’yungwa. Washington, DC-t aklavo ima pu’ yeese’

Sustsaywa Teresa Qöyawaysit aasay.

Yep Sally Kompare pu’ put yum’at, pu’ Derek Kompare pu’ tuwat put yum’at piw.

Kompare Sinom

Ima sinom yep Kompare sinom. Wuuti, pamwa ‘ikwatsiy yu’at, Maria pan maatsiwa. Pu’ put nööma’at, yep taaqa ang peyta pamwa Edward. Niqw ima pu’ Farmington ‘ep kiyta. Naat nu' as "high school" ep tutuqayi ima as Tuvit ep kiy'yungwa timuy amum. Ep Ed as pahantuuhikyat tumalay'ytangwu. Pu' Maria as ep hiisavo tutuqayit ep tumalay'ytangwu. Ep nu' suswuyoqwa, imuy tim'at, amum tutuqayi Tuba City High School 'ep'e.

Maria nit Edward nalöyöm timuyta:

Suswuyoqwa pamwa ‘ikwatsi John maatsiwa. Pam Las Vegas ep tumalay’yta pu'. Nööma'at, Ailsa-t piw pep tumalay'yta. Pepeqw puma timuy amum qatu. Puma lööq timuyta: Sukwat puma inumi tavi. Pamwa tiyo Ryan pan maatsiwa, pu’ tsaywa mana Sara maatsiwa.

Pu’ John paava’at Derek pan maatsiwa. Pam Southern Methodist University-t ep tumala’yta “assistant professor” pam aw tumalayta pep’e. Put nööma’at Sally pan maatsiwa. Naama puma sukw tiyot himu'yyta. Pam tiyoya Ben maatsiwa. Pam pu'naat löös yaasangwna. Puma oovi Dallas, Texas ‘ep kiy’yungwa.

Pu’ suswuyokwa maana imuy tupko’am pamwa Donna pan maatsiwa. Donna Mark aw lööqo. Donna tumalat ep mongy'iwta. Pam tsaatsakmuy naat qa tutuqay'ho'yam, ep pumuy aw tunatyawtangwu, pep pam tumalay'yta. Put nööma’at amum pam paayom timuyta. Suswuyokwa tiyo pamwa Tony, pu’ put tupko’at maana pamwa Anna, pu’ tsaywa maana pamwa Teresa. Ima Alexandria Virginiat ep kiy'yungwa. Pas yaavahaq ima kiy'yungwa.

Pu’ sustsaywa Maria nit Ed tim’at pamwa Diane pan maatsiwa. Pam pu' naat hakiy aw lööqö. Put nööma’at Andy pan maatsiwa. Ima naat qa pas haqamiya. Naat ima phenix ep kiy'yungwa, utuhut 'ep'e.

Pay 'ima yaasay haqam.

Haqam itam yesni, Tucson ep'e

Kya hak wuwanta haqam itam kiitotani Tucson 'ep'e.

Yep ‘itaakiy ‘iipa.

‘Iwa hötsiipi “parking lot” aw hötsiltingwu.

'Itaakiy yangkw 'i "sidewalk" "swimming pool" awningwu.

Nu' wiivaq kya nu' yep hiisavo tu'awitani. Kya nu' hongvitiq ahoy tsuutikivet ep piw lakontikivet ep warikni!

Yep ‘ikwatsiy yu’at itamuy na’kwatoyna, yep itam hiisavo qatuniqat. Nu’ naat qa siivay’ytaq piw nu’ pas “credit card” –tuy aw ‘a’ni aw pö’öwtaq oovi tsangaw itam pay naat qa kiihut aw sisvini. Pas puma suupasinom Kompares.

Maasawuy ep’ namurut aw yuyku

'I qa muytala. Nu' suutoki hin put yum'at it katsintungwaya.

Yep Naanaqasya. 'I as kyaatayma tiyoniqw pu' pam Naanaqasya.

Nu’ “Denvert” ahoy angqw pitut nu’ kiimi. Pep nu’ Travis pu’ put timat amum Maasaw ep namurut aw yuyku. Ep pas muuna a’ni hongviniqw Travis as put aw yukuniqat naawakna. Höqya pay angwu sukwat himuy aw yuku. Peep loqwat himuy aw yuku itam pasveq aw pitu. Pep itam put aw yuyku talavayniqw. Pu’ tawanasaveqw mööwi itamungem noovat kima. Pu’ itam nöösa. Is ali kawayvatnga nit piiki, nit piw sikwi. Itam nöösat pu’ itam piw aw tumalay’yva. Travis tractort himuytaq put aqw itam put angwuta. ‘Itam sukqw “concrete culvert” aw panaya. Pam pas ‘a’ni putu.

Itam paasat yukut, pu' itam Sikyangwpahut aw yuyku. Kya qa pan maatsiwa niikyangw pay nu' yep haak pan peenani. Put itam aw hangwa.

Redrocks State Park

Pu' itam tutuqayyukut nu' nit ima looyom wuutim, inumum tumalay'ytangwu, itam "Redrocks State Park" awya.

'Iwa qomapkastilwuuti pam Nuvatukya'ovit ep tumalay'ytangwu. Pu' mi'wa pahanwuuti "Phoenix" ep tumalay'ytangwu. Ima inumum yuk hiisavo waynumto. Okiw puma kya qa pas 'iipa hintsakngwuniqw 'a'ni hiikwiskyangw oomi yayvanta.


Naat itam 'oomi wungwuvit nu' imuy tuwa. Paysok itamuy ooveqw ima noonova. Ali sowisikwi.


Yep "Redrocks Amphitheater". Yep hakim "concerts" aw tiimayngwu. Haahakim kya yep tuwantota. Nu' qa hisat yepniqw qa hisat hakiy aw tuuqayta yep'e. Pas lomahinta yep'e.

Three Weeks ago in Denver

DIA yep itam kareetaqat nuutayta. Nu' nit sukw wuuti nu' amum tumalay'yvaq.

Naat nu’ susmooti tumalay’yvaq nu’ nit paayom inumum tumalay’yvaq soosoyam Denvert aw tutuqaywisa.

Ep itam aw pitutoqw nuvayokva.

Pep itam itaatumalat, hin ima tumalaywisngwu, put itam aw tutuqaywisa. Ep itam aw pitutoqw nuvayokva. Pu’ ep hihin mukiitiqw ep piw yooyoki. Pu’ pay Wenstit ep pay a’ni taala.